Constabal Murdo 2: Murdo ann am Marseille

Ged a lig Constabal Murdo dheth a dhreuchd tha feum air fhathast. A dh’aindeoin Brexit, tha maorach a’ fàgail nan eileanan gach seachdain airson na Roinn Eòrpa, agus drugaichean a’ tighinn air ais nan àite. Chan e obair a tha sin dhan phoilis chumanta, faighinn a-mach cò am Maighstir Mòr, agus co na sgalagan a th’ aige gan sgaoileadh. Cleas Sam Spaid, tha Murdo air thòir Mr Big. Sgeulachd thaitneach cho-aimsireil a tha toirt an leughadair o Mhalaig gu Marseille. Sgeul mu dheidhinn eucoraich agus ciontaich agus neochiontaich. Sgeul mu ghaisgich agus mu ghloicean. Drùiteach, èibhinn, dùbhlanach agus togarrach. Is dòcha nach eil mòran foghlam aig Murchadh, ach tha gliocas dùthchasach, air dòigh air choreigin, na chlaiginn. Nach tig sibh còmhla ris air an sgiorradh iongantach chunnartach tarsainn na Roinn Eòrpa gu bhan nan tiops agus nan reòiteagan air taobh an A9, far am faigh sibh (aon) Chornetto còmhla ris!